'ay' wa'

meHDaq yaHDajDaq ba'taH vajar HoD. ghaH tlhopDaq nIn tamey cha' HaStaHom, 'ach nIn natlhbogh ngIvmeH DujDaj qelbe'taH HoD. DujDaj HubtaHvIS Hegh 'e' tul Hoch tlhIngan net Sov. 'a loQ tlhoch'egh qechvetlh. HeghvaD neH Suvbe' tlhIngan. pIvchugh Hegh nejbe' ghaH. QapmeH Suv. yInvaD Qap chavchoHDI' SuvwI' 'ej Hoch jaj SuvnISbe'DI', may' bopchu'be'bogh yIn'e' qelchoH. wo'vaD qa'vaD quvvaD je Suvba', 'ach wo' qa' je je'meH 'ut je chavmey'e' juvbe'bogh jagh 'Iw. may' neH buSchugh SuvwI', qanchoHDI' ghaH Hegh nejchoHmo' yepHa'choH. HoD qan le'yo'mo' Hegh tlhIngan Qup 'ej tlhIngan wo' Duj Qawlu'. qaSbe'meH SeQpIr ghItlhmey, HIq qub, QoQ Qatlh, rurbogh latlh joq SaHnIS HoD. ngervetlh Har vajar. loD qan mojpa' Qu'Hom neH, 'a laD 'e' tIvbe'. HIq tlhutlh 'e' tIv 'ach lubelmoH Hoch HIq. qubchugh SaHbe'. HIq tlhutlhtaHvIS bom 'e' tIv. bommey qatchugh QoQ jan, chu'wI'pu' naD 'ach chuS'ugh Seghmey ngu'laHbe'. wa'logh vajar DuQchu' QoQ. jum wanI'. ngIvmeH DujvamDaq vumchoHpa' vajar, ngaq Duj Hung yaS ghaH. may'Duj Dor ngaq Duj. nov Duj jonta' chang'eng. may'DujDaq HochHom qama'pu' luweghlu' 'ach ngaq Duj bIghHa' machDaq wa' nov tu'lu'. potlhbe' ghaH. loQ lujoy'ta' 'ach rIQqu'be'. bIghHa'Daq ba' neH. 'IQlaw'. chaq mobmo' 'IQ. rut bom nov. jatlhtaHvIS ghaH puj ghoghDaj 'ej vaQbe', 'ach bomchoHDI' rach'eghchoHlaw'. nov Hol yajbe'chu' vajar 'ach ghaH DuQchu' wabmey watlh lIngbogh nov ghogh. 'avwI'vaD jatlh qama' net tuch. bomchoHDI' nov luqIp 'ej lutammoH latlh 'avwI' 'e' Sov vajar 'ach vajarvaD pIm bom QIch je, vaj bom nov 'e' chaw' vajar. rut bompa' pagh bompu'DI' nov loQ jatlh. jatlhchoHDI' nov reH qu'choH vajar 'ej jach. jatlh: jatlh 'e' mev. Dugh ghaH 'ach may 'ej naSbe'.

8 comments:

  1. Anonymous2:40 AM

    and how has this helped you achieve anything?

    ReplyDelete
  2. If you could read it, you would know.

    ReplyDelete
  3. This comment has been removed by the author.

    ReplyDelete
  4. motlh DujDaj nIn joq qelbejtaH HoD 'ach ngugh yInDaj qelchoHmo', nIn buSHa'.

    jIjatlhbej. qatlh bIjatlh?

    ReplyDelete
  5. mu'meywIj choHpu' blogspot. qay' Deghmey. jInIDqa'.
    bIjatlh, nIn natlhbogh ngIvmeH DujDaj qelbe'taH HoD,
    nIn qelbe'taHchugh HoD, qatlh bIjatlhbe', nIn'e'?

    ReplyDelete
    Replies
    1. -'e' mojaq vIlo'laHbej 'a 'utbe'. nIn'e' natlhbogh Duj qelbe' 'ej nIn natlhbogh Duj'e' qelbe' je. potlhbe' laDwI' wIv. chaq DIvI' Hol vIlo'chugh, jIjatlh, "He was not considering the ship's fuel consumption."

      Delete
  6. Anonymous4:07 PM

    Beginner's attempt at translation:
    "On the bridge of the ship, in duty station, obviously Captain vajar survives."
    'The visual monitor showed him records of the fuel, which he didn't take into account when he was patrolling."

    ReplyDelete
  7. Not bad, Anon: ba' is the verb "sit," not a verb "be obvious."

    meHDaq yaHDajDaq ba'taH vajar HoD.
    "Captain vajar is sitting at his duty station on the bridge."

    ghaH tlhopDaq nIn tamey cha' HaStaHom, 'ach nIn natlhbogh ngIvmeH DujDaj qelbe'taH HoD.

    "Before him, the visual monitor showed records of fuel, but the captain was not considering the fuel that his patrol ship consumed."

    The -meH suffix on ngIv makes ngIv modify the next noun. You know ghojmeH taj, qar'a'?

    ReplyDelete